 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Не папера — белы стос —
Прыкавала.
Стаў даўно пісьмовы стол
Мне кавадлам.
Перш, чым шчасьця адкую
Вам падкову, —
Ў горне-горле накалю
Слоў асноў.
Хай зьвініць штодня званчэй
Працы радасьць!
Пот цячэ i жар пячэ —
Гарт i вартасьць.
I ня трэба мне пасьля
Славы Феба.
Не пазбавіла б зямля
Солі з хлебам.
Каб ад мары не асьлеп,
Каб адолеў...
Каб даліся СОЛЬ i ХЛЕБ
Роўнай доляй.
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
